Pull down to refresh...
zurück

Videojournalist (m/w/d) gsuecht

Du bisch neugierig. Wottsch Politikerinne und Politiker uf de Zah fühle. Spannendi Gschichte i Ton und Bild verzelle. Dänn sueched mir genau dich. Per sofort oder nach Veribarig suechemer für oise TELE TOP-Hauptsitz z Winterthur Verstärchig für oises junge und vielsiitige Team.

10.05.2022 / 08:00 / von: tele
Seite drucken
Die NEWS-Redaktion sucht Verstärkung (Bild: TELE TOP)

Die NEWS-Redaktion sucht Verstärkung (Bild: TELE TOP)

Kein Tag isch wie de ander und glich isch jede Tag eis glich: Pünktlich am sächsi lauft din usgwogne Biitrag am Bildschirm. Er zeigt, was de Kanton Züri gege de Stau wott mache, wie z Schaffhuuse d Füürwehr muess d Usflügler ufem Rande anenand verbi koordiniere, dass de Kanton Thurgau meh isch als Mostindie und dass es au im Toggeburg SG gnueg Schnee git zum Skifahre.

 

Für de Regionalsänder TELE TOP bisch du ab sofort oder nach Veribarig als

Videojournalist 80-100% (m/w/d)

am Puls vom Gschehe ide Region. Sigs de Usbau vo 30er-Zone, Tabällefüehrig vom FC Winterthur, d Lieferängpäss wäg Corona oder en Uruffüerig im Theater Kanton Züri - du bisch immer vor Ort mit debi und bringsch die beste Bilder, die verschiedene Meinige, de Jubel und de Ärger id Wohnzimmer vode Region.

video

 

Als VJ schaffsch bi ois ide Redaktion z Winterthur und brichtisch i Ton und Bild usgwoge und jede Tag i oisne Newssändige und Magazin über aktuelli Theme us Politik, Wirtschaft, Gsellschaft und Sport. Du...


...chunsch us de Region Züri/Nordostschwiz und kännsch dich da us oder bisch bereit d Region kännezlere


...bisch gwundrig, chasch guet uf Mänsche zuegah, bisch nöd ufs Muul gheit und magsch öppis verliide


...redsch Mundart und häsch en angnehmi Stimm


...Bisch breit interessiert und häsch es grosses Allgemeinwüsse i Politik, Gsellschaft, Sport, Kultur und Wirtschaft


...häsch d Autoprüefig


Mir stelled explizit au Quer- und Bruefsistiegendi a.

Du chasch bi ois scho schnäll sälber Verantwortig überneh. s Kollegiale Team im Alter vo 20gi bis 30gi hilft debi, dass du dich ide Afangsphase immer gstützt fühlsch. Dezue ghöred regelmässigs, konstruktivs Feedback und Usbildig.


Häts di packt? Ich freu mich uf din Läbenslauf, dini Zügnis und über es Aschriebe. 


TELE TOP

Ljilja Mucibabic

Chefredaktorin

Postfach 2299

8401 Winterthur


oder ljilja.mucibabic@topmedien.ch